O equipo veterano mixto acada o 3º posto na "Arraunlari Beteranoen III. Topaketa" en Mundaka
Este fin de semana o equipo veterano mixto da A.D. Esteirana Remo viaxou ao País Vasco a participar no "III Encontro de Remeiros Veteranos" que se celebrou na localidade de Mundaka (Bizkaia) o sábado 22 de outubro.
O evento foi unha mestura de competición e acto cultural e festivo no que se celebraron dúas regatas (unha contrarreloxo e outra na modalidade de 'sprint'), demostracións e competicións de outros deportes tradicionais vascos, comida e cea conxuntas dos equipos participantes e ata un concerto.
No encontro participaron un total de quince equipos, dos cales once eran vascos, un alicantino, outro catalán e dous galegos (a S.D. Tirán e a A.D. Esteirana Remo).
A regata da mañá celebrouse na modalidade de contrarreloxo e o equipo mixto da A.D. Esteirana Remo, como se pode ver na seguinte táboa clasificatoria, rematou no 3º posto.
| Posto | Orde saída | Equipo | Tempo final | Diferencia co 1º | Diferencia co anterior |
| 1º | 4 | TIRÁN-PEREIRA | 13:07,96 | ||
| 2º | 14 | BILBAO | 13:08,52 | 00:00,56 | 00:00,56 |
| 3º | 5 | A.D. ESTEIRANA REMO | 13:15,52 | 00:07,56 | 00:07,00 |
| 4º | 15 | MUNDAKA | 13:21,19 | 00:13,23 | 00:05,67 |
| 5º | 2 | SANTURTZI | 13:25,25 | 00:17,29 | 00:04,06 |
| 6º | 6 | ALICANTE | 13:25,99 | 00:18,03 | 00:00,74 |
| 7º | 3 | CAMBRILS | 13:35,66 | 00:27,70 | 00:09,67 |
| 8º | 9 | PLENTZIA | 13:37,39 | 00:29,43 | 00:01,73 |
| 9º | 13 | IBERIA | 13:51,63 | 00:43,67 | 00:14,24 |
| 10º | 10 | ZUMAIA | 14:00,57 | 00:52,61 | 00:08,94 |
| 11º | 11 | BADOK13 | 14:05,62 | 00:57,66 | 00:05,05 |
| 12º | 7 | IBAIALDE | 14:22,68 | 01:14,72 | 00:17,06 |
| 13º | 12 | GETXO | 14:24,19 | 01:16,23 | 00:01,51 |
| 14º | 8 | SESTAO | 14:36,63 | 01:28,67 | 00:12,44 |
| 15º | 1 | AIZBURUA | 14:58,13 | 01:50,17 | 00:21,50 |
A competición da tarde celebrouse na modalidade de sprints en liña eliminatorios, con enfrentamentos directos de dous en dous según a clasificación da regata da mañá. Ao ser un número de equipos impar acordouse na reunión de delegados previa á regata que o primeiro clasificado da mañá pasaba directo á segunda ronda de sprints sen competir na primeira.
A A.D. Esteirana Remo chegou a semifinais nesta competición de sprints, onde caeu diante da S.D. Tirán-Pereira, equipo que logo se proclamaría tamén campión nesta modalidade na final que o enfrentou aos locales de Mundaka.
Por último sinalar que, para facilitar a loxística da viaxe, o noso equipo viaxou sen traiñeira e competiu cunha prestada polo equipo local de Mundaka.
