ADER

A Asociación Liga Noroeste xa acordou e fixo público o calendario oficial da Liga Galega de Traiñeiras 2024, na que competirá na primeira categoría (Liga A) o C.R. Urme. Ao competir como un único club na Liga como C.R. Urme non nos foi posible organizar dúas regatas como se viña facendo habitualmente, unha o C.R. Muros en Muros e outra a A.D. Esteirana Remo en Esteiro. Por este motivo os dous clubs, xunto co Concello de Muros, decidimos continuar coa organización da Bandeira Concello de Muros, que este ano celebrará a XVII edición, e farase alternando a localización. Para evitar problemas coa organización esta temporada da XVII Bandeira Concello de Muros de Traiñeiras en Esteiro, debido á instalación de cultivo de mexilón que fondearon ocupando o noso campo de regatas de traiñeras, acordamos co C.R. Muros e co concello que a regata desta temporada se celebre en Muros.  A pesar de que desde a Consellería do Mar se nos trasladou de xeito oficial á nosa Directiva que van cambiar a u...

O vindeiro sábado 30 de marzo organizaremos a XVII Bandeira Santiago Sur Galicia de Bateis, logo de que se tivera que suspender o pasado 10 de febreiro, data na que estaba encadrada inicialmente no calendario 2024 da Liga Galega de Bateis.     Nesta regata participarán un total de 11 clubs con 94 tripulacións de todas as categorías, o que fai que se concentren o sábado no porto de Esteiro cerca de 500 deportistas.  Cadro de participación na XVII Bandeira Santiago Sur Galicia de Bateis .

Debido ás malas condicións do mar que indican as predición meteorolóxicas, a Directiva da A.D. Esteirana Remo tomou a decisión de trasladar a "XVII Bandeira Santiago Sur Galicia" de bateis que se ía celebrar este sábado día 10 de febreiro en Esteiro, ao campo alternativo da Pobra do Caramiñal. Antes do inicio da temporada o s clubs participantes na Zona Norte da Liga Galega de Bateis acordaron aprobar e incluir na normativa que, no caso de que algunha regata non se poidera celebrar, por exemplo por causas meteorolóxicas, o club organizador podería decidir o traslado da súa proba ao campo alternativo da Pobra do Caramiñal, que ao ser un campo resgardado dentro do porto, non sofre as condicións adversas como sucede noutros.  Polo tanto, debido ás condicións que se prevén, e sempre pensando na seguridade dos deportistas ante todo, pero tamén coa intención de non cancelar definitivamente a nosa regata do calendario, a Directiva decidiu trasladar a competición á Pobra do Caramiñal...

O vindeiro sábado 10 de febreiro a A.D. Esteirana Remo organiza a "XVII Bandeira Santiago Sur Galicia de Bateis", competición pertencente á Liga Galega de Bateis que estrea este ano un novo formato no apartado de puntuacións e clasificación.    Cada equipo de cada categoría irá recibindo unha puntuación xornada a xornada en base a súa clasificación e establecerase unha clasificación xeral que, ao rematar o calendario de liga, determinará o campión de liga de cada categoría.   A proba que se celebra en Esteiro abre a Liga Galega de Bateis na Zona Norte (provincias de A Coruña e Lugo) e a ela están invitados a participar o Club do Mar de Mugardos, Club de Remo A Cabana-Ferrol, Club de Remo Ares, Club de Remo Cabo da Cruz, Club de Remo Cedeira, Club de Remo Celeiro, Club de Remo Mera, Club de Remo Muros, Club de Remo Narón, Club de Remo Puebla, Club de Remo Rianxo, Club de Regatas de Perillo, Club de Remo Urme, Club de Remo Náutico de Riveira, Club de Mar de Noia...

Este sábado, 22 de xullo, a A.D. Esteirana Remo organiza a "XVI Bandeira Concello de Muros de Traiñeiras" pertencente á Liga Galega de Traiñeiras "B". O noso equipo sénior Muros-Esteirana defenderá a primeira posición que ocupa na clasificación xeral da liga "B". Esperámosvos a todos no porto de Esteiro ás 18:00h para animar ós nosos remeiros.

Mañá sábado 10 de xuño dará inicio no lago artificial das Pontes a Liga Galega de Traiñeiras 2023.   Vai ser a primeira vez que participe na LGT o equipo de Muros-Esteirana, e vai coincidir coa primeira vez que a liga se celebre nun concello do interior de Galicia, e polo tanto que as traiñeiras compitan en regatas en auga doce.   O plantel inicial co que conta o equipo é o seguinte:   https://www.ligalgt.com/principal/club/15-muros-esteirana     A xornada estará composta polas regatas das tres categorías e participarán, polo tanto, os equipos da liga feminina, os da liga A e os da liga B, onde se encadra Muros-Esteirana.   Ademais das regatas das tres categorías celebrarase a gala de presentación da LGT 2023 unha vez rematadas as competicións. O calendario da temporada exténdese ata finais do mes de agosto, onde se pechará en Ares. https://www.ligalgt.com/principal/calendario  

O pasado luns 9 de xaneiro celebrouse unha reunión dos clubs en Cabo da Cruz para acordar un calendario para as competicións de bateis e traiñeiriñas.   Como ven sendo habitual, as probas do calendario de bateis celebraranse nos meses de febreiro, marzo e abril, e as de traiñeiriñas durante o mes de maio, a excepción do Campionato de España desta última modalidade, que se traslada ao primeiro fin de semana de xuño.   Se o anteproxecto de calendario finalmente se confirma, a Asociación Deportiva Esteirana Remo organizará a XVI Bandeira Santiago Sur Galicia de bateis o sábado 8 de abril.  A continuación móstrase o que sería o calendario de bateis.     E así quedaría o de traiñeiriñas.       As datas que non teñen localidade aínda asignada están pendentes de definir.