ADER

Datos da competición: Regata: Campionato Galego Xunta de Galicia de Remo Mar Competición: Campionato Galego Xunta de Galicia de Remo Mar Modalidade: banco móbil de mar Categorías: alevín, infantil, cadete, xuvenil, absoluta e veterana Tipo regata : campo de 4 balizas que había que rodear, con lonxitude total de 1.000 m. Lugar: praia da Ornanda, Porto do Son (organizado polo C.M. de Noia) Data: 15/09/2024 Hora: 10:00h Na xornada de hoxe celebrouse na praia de Ornanda (Porto do Son),  organizado polo C.M. de Noia, o Campionato Galego Xunta de Galicia de Remo Mar. A A.D. Esteirana Remo participou con 7 equipos en 6 categorías : C1x cadete feminina (Maite F.) C2x cadete feminina, 2 equipos (Adriana F. e Lucía N.; María C. e Noelia G.) C2x xuvenil feminina (Noa C. e Aroa S.) C1x veterano feminina (Carmiña C.) C2x veterano feminina (Alcira R. e Txelo T.) C2x veterano masculina (C. Boubeta e David T.) Tamén participou o noso remeiro Aitor R. na categoría C1x cadete masculina, polo ...

Este vindeiro domingo, día 15 de setembro, a A.D. Esteirana Remo compite no Campionato Galego Xunta de Galicia de Remo Mar con 7 equipos de varias categorías. Este Campionato Galego celébrase na praia da Ornanda, en Porto do Son , e está organizada pola Federación Galega de Remo e o Club do Mar de Noia. O formato desta competición consiste na saída a pé correndo dun dos remeiros desde a praia, embarque, e percorrido a remo de 700 metros para a categoría alevin (1 volta ás boias 1 e 2 do campo), 1.000 metros para a infantil (1 volta a todas as boias), 2.000 metros para cadetes e veteranos (2 voltas a toas as boias), e 3.000 metros para os xuveniles e séniors (3 voltas a todas as boias). O campo de regatas é o seguinte:   A expedición da Esteirana estará formada polos seguintes equipos e categorías: C1x cadete feminino (Maite F.) C2x cadete feminino, 2 equipos (Adriana F. e Lucía N.; María C. e Noelia G.) C2x xuvenil feminino (Noa C. e Aroa S.) C1x veterano feminino (Carmiña C.) C2x ...

A Asociación Deportiva Esteirana Remo solicitou este ano unha axuda á Deputación da Coruña, con cargo á convocatoria " (FO104/2022) Convocatoria do programa de subvencións a entidades deportivas da provincia, sen ánimo de lucro, para infraestruturas e equipamento deportivo durante o ano 2022 ", para a adquisición de dous barcos de remo de mar (un skiff e un dobre) e un ergómetro. O investimento total do material adquirido ascende a 12.968,50€, polos cales a Esteirana Remo percibirá unha subvención de 8.000€. Dita subvención foi concedida de xeito definitivo no mes de setembro e publicada no BOP do 19 de setembro . O ergómetro Concept 2 xa fora recibido fai uns meses e xa se está a utilizar no club, e esta semana recibimos tamén os dous barcos xunto cos seus remos. Os barcos foron fabricados en Portugal pola empresa AveRowing Boats, especializada neste tipo de embarcacións. Estas son algunhas imaxes do material adquirido.