ADER

Esta mañá celebrouse o acto oficial no que se lle poñía o nome de Xosé Manuel Saborido Núñez "Fino" ás instalacións de remo da Asociación Deportiva Esteirana Remo. "Fino" foi o máximo responsable da nosa entidade durante case tres décadas, tempo no que se conseguiron grandes resultados deportivos e tamén as instalacións que hoxe levan o seu nome. Nesta outro artigo hai máis detalle destes fitos . O acto estivo presidido pola Alcaldesa de Muros e acudiron tamén outros membros da Corporación Municipal, representantes de Directiva do C.R. Muros, o Presidente da Asociación Liga Noroeste de traiñeiras, a Directiva da Asociación Deportiva Esteirana Remo, socios da nosa entidade, remeiros das categorías inferiores do club e máis dun cento de veciños e representantes doutras asociacións de Esteiro. Foi un acto moi emotivo, no que ademais a Directiva da Asociación Deportiva Esteirana Remo obsequiou a "Fino" cun agasallo en recoñecemento ó seu labor.  "Fino...

  Estimados/as amigos/as, O Concello de Muros e a Asociación Deportiva Esteirana de Remo teñen a honra de convidarvos ao acto de presentación oficial e posta do nome das instalacións deportivas do noso club, que dende este día levarán con orgullo o nome de: Xosé Manuel Saborido Núñez "Fino" Con este xesto queremos render homenaxe á súa traxectoria, entrega e compromiso co remo e coa nosa comunidade. O acto terá lugar o: 24 de maio
 12:00
 Instalacións da Asociación Deportiva Esteirana de Remo – Esteiro Contaremos coa presenza do propio Xosé Manuel Saborido Núñez "Fino", a quen lle renderemos este merecido recoñecemento rodeado de amizades, familia e compañeiros/as do mundo do remo. Ao remate do acto, ofrecerase un catering para todos os asistentes, como momento de encontro e confraternidade entre os distintos clubs, asociacións e persoas presentes. Agardamos contar coa vosa presenza para celebrar xuntas este día tan especial para a nosa vila e para o rem...

A Federación Galega de Remo organizou no día de onte un "STAGE DE CAPTACIÓN DE TALENTOS PARA A SELECCIÓN GALEGA 2025". Neste evento, limitado a 12 remeiras e outros 12 remeiros, podíanse inscribir deportistas nados entre os anos 2007 e 2010. A A.D. Esteirana Remo inscribiu no evento a Maite Figueroa, unha das remeiras das categorías de formación do club, que o ano que ven pasa a ser xuvenil.   Maite entrenando no foso do noso club O evento organizábase no Centro Interfederado de Remo e Piragüismo de Tui, desde as 09:00h ata as 19:00 horas. No seguinte vídeo vese parte do traballo realizado durante o día de onte, neste caso nun W8+, no que Maite remaba na posición nº 5.   Un día cheo de actividades e de formación xunto con deportistas de outros clubs, do que seguro se empapou para ser unha mellor versión de ela mesma.

No día de hoxe púxose o punto final á Escola de Remo 2024 da Asociación Deportiva Esteirana Remo. Ao final da xornada matinal de hoxe cos nenos, o equipo de monitores e colaboradores tíñalle preparado aos cativos un pequeno aperitivo de despedida.  Un verán máis esta actividade tivo unha magnífica acollida entre a xente de Esteiro e as familias que nos visitan durante estes meses. Intentaremos seguir mellorando para poder acoller a máis nenos e adultos en vindeiras edicións, pero tamén para poder prestar unha mellor atención e de máis calidade. Moitas grazas ás nais e pais por confiar un ano máis na nosa entidade para que os nenos disfruten do seu tempo de lecer e se inicien no deporte. Os monitores, colaboradores e Directiva da Asociación Deportiva Esteirana Remo queremos desexarvos que pasedes felizmente o resto do verán, que o curso 2024-2025 veña cheo de éxitos, e queremos sobre todo animámosvos a continuar con nós competindo como deportistas federados xa na temporada 2025. O...

Hoxe foi o último día de Escola de Remo para moitos nenos e nenas que só se poideron inscribir para o mes de xullo, e os monitores e a Directiva quixemos prepararlles un pequeno evento sorpresa. A sesión de hoxe rematou cun baño de espuma diante do club.  Oxalá disfrutárades destes días na Escola de Remo. Esperámosvos para o outono para que formedes parte dos equipos que competirán defendendo as nosas cores no 2025. Bo verán!

Esta mañá empezamos as escolas de remo para nenos que organizamos durante os meses de xullo e agosto. Terán lugar todos os martes e xoves en horario de mañá.   Tamén se iniciou a escola para adultos, que neste caso será os mesmos días pero polas tardes.

Esta mañán a representación da nosa Directiva que leva a cabo esta actividade trasladouse á Serra de Outres para visitar o colexio de primaria. A xornada de hoxe estaba programada para as rapazas e rapaces de 6º, curso no que hai dúas aulas. Seguindo coa dinámica que se ven desenvolvendo no resto de centros, primeiro impartiron unha charla onde explican aos nenos as características do deporte do remo e tamén as modalidades nas que compite a A.D. Esteirana Remo.     Seguidamente trasladáronse ao ximnasio do centro onde estaba colocado o material que acercaron ao centro educativo, varios ergómetros e un batel, material no que impartiron a sesión práctica. Mañán repetirán visita ao mesmo centro, para realizar esta actividade con alumnos de 4º e 5º.  

Esta tarde levouse a cabo en Muros, a presentación do C.R. Urme que competirá na edición 2024 da Liga Galega de Traiñeiras. Ademais deste acto, desde o Concello fíxose unha recepción aos equipos de batel xuvenil masculino do C.R. Urme e alevín feminino da A.D. Esteirana Remo.     Recordar que o equipo xuvenil do C.R. Urme proclamárase Campión Galego e clasificouse na cuarta posición no Campionato de España deste ano, mentras que as rapazas do equipo alevín da A.D. Esteirana Remo foran campionas da Liga Norte de bateis, ademais de conseguir o terceiro posto no Campionato Galego e o cuarto no de España.           

Dentro da iniciativa que está levando a cabo a nosa entidade de acercamento do remo á escola, na xornada de hoxe estaba programada a visita ao instituto de secundaria As Ínsuas, en Muros.     O equipo directivo que organiza este evento, xunto con colaboradores do equipo veterano da traiñeira, acercaron ata alí diverso material do club para facer máis amena a actividade. A actividade divideuse en dous grupos, un para os alumnos de 1º e 2º de ESO e o outro para os de 3º e 4º. Impartiuse unha pequena charla onde se lle explicaba aos rapaces as características do deporte do remo en xeral, e tamén de xeito máis específico as modalidades de remo que practicamos na A.D. Esteirana Remo. Logo da charla houbo unha sesión máis práctica onde se invitou aos rapaces a probar os ergómetros, nos que incluso se organizou unha penquena competición, e a experimentar a sensación de ir embarcado nun batel.  

Onte iniciamos un programa de colaboración cos centros escolares dos arredores, para dar a coñecer e acercar o deporte do remo á escola. O primeiro centro co que iniciamos esta serie de colaboracións foi co CEIP Plurilingüe Ricardo Tobío do noso pobo. No día de onte viñeron visitar o noso club as nenas e nenos de 4º a 6º de primaria.      Hoxe varios membros da nosa Directiva, xunto coa colaboración de varios integrantes do equipo veterano, foron de visita ao centro para mostrarlle aos rapaces de 1º a 3º de primaria algúns aspectos deste deporte.  Impartiron unha pequena charla e realizaron algunha actividade práctica nun batel que acercaron ao colexio xunto con outro material. Nos próximos días realizaremos visitas tamén a colexios de Muros e a Serra de Outes.            

Xa está aberto o prazo de inscrición para as Escolas de Remo que organiza a A.D. Esteirana Remo co lema " Ven descubrir o remo! ". Para nenos a partir de 9 anos organizamos a Escola de Remo de nenas e nenos.   E a partir de 16 anos tamén temos, ás tardiñas, a Escola de Remo para adultos.

Polo pasado, presente e futuro do remo feminino Sigamos facendo camiño   GRACIAS ás que fixeron camiño. Ás que non se conformaron cun simple trofeo e pelexaron pola bandeira. Ás que loitaron pola igualdade. Ás que reivindicaron os seus dereitos como mulleres e remeiras. Ás que demostraron a valía da muller no remo. Ás primeiras que colleron un remo no seu pobo. Por elas e por seguir facendo camiño para as que veñen. Polo pasado, presente e futuro do remo feminino. Sigamos facendo camiño.

Esta mañá varios dos nosos deportistas veteranos e directivas colaboraron coa ANPA do colexio Ricardo Tobío na organización dunha marathon e andaina na que participaban os alumnos.     A xornada estivo organizada na honra de Kathrine Switzer , a primeira muller que correu a Marathon de Boston no ano 1967, proba que estaba exclusivamente destinada a participantes masculinos. Todos os participantes levaban no dorsal o número 261, que foi o número co que participou Kathrine nesa edición da Marathon de Boston.   Esta proba foi organizada pola ANPA dentro dos eventos relacionados co 25 de novembro, Día Internacional da Eliminación da Violencia contra a Muller .

O Concello de Muros organizou esta mañá unha recepción oficial para o equipo de Muros-Esteirana, actual campión do título da Liga Galega de Traiñeiras B. Das nove regatas das que se compoñía o calendario da LGT B neste 2023, Muros-Esteirana obtivo a bandeira de gañador en oito delas, conseguindo así o ascenso directo á primeira categoría do remo galego na categoría de traiñeiras.   A recepción, presidida pola alcaldesa María Lago, contou tamén coa presenza do responsable de deportes Damián Torea.      Por parte de Muros-Esteirana, acompañaron aos membros do equipo campión parte dos equipos directivos do C.R. Muros e da A.D. Esteirana Remo. Ademais do acto de recepción, por parte da alcaldía trasladóusenos a intención do Concello de Muros de continuar coa liña de colaboración que xa viña realizando tanto co C.R. Muros como coa A.D. Esteirana Remo e emprazáronnos a unha próxima reunión entre as directivas e a alcaldía. Desde a A.D. Esteirana Remo queremos agradecer o a...

Hoxe finalizou a Escola de Remo 2023.   A Directiva da A.D. Esteirana Remo quere agradecer a confianza depositada polas familias das nenas e nenos que participaron , tanto na nosa entidade coma no traballo dos monitores e axudantes que estiveron a fronte desta actividade .     Durante os dous meses que se desenvolveu a actividade da escola de remo houbo unha participación de 33 nenas e 14 nenos de idades comprendidas entre os 8 e os 15 anos.   Os rapaces, aparte das actividades máis propias do mundo do remo, tamén participaron doutro tipo de actividades como xogos, excursións e algunha pequena festiña ou celebración.     Desde o punto de vista máis deportivo, tamén participaron en algunha competición que realizamos entre eles, tanto en terra coma no mar. En terra houbo un campionato de ergómetro e no mar algunha que outra regatiña de bateis.     Hoxe que foi o último día da actividade organizamos unha travesía a remo ata a Creba, posteriormente ...

  A Asociación Deportiva Esteirana Remo está esta fin de semana participando en "Muros Mira ao Mar 2023". Vinde a visitar Muros e facede unha paradiña con nós... mañá sábado ás 12:30h organizamos un obradoiro de estrobos.