Esta fin de semana os campións galegos na categoría xuvenil masculina, o C.R. URME, e o equipo alevín feminino da A.D. Esteirana Remo volvían á Pobra do Caramiñal a competir no Campionato de España de Bateis, logo de conseguir a clasificación no Campionato Galego da fin de semana pasada.
O sábado disputáronse as
eliminatorias, con dúas tandas de cinco participantes por categoría.
Hoxe foron as finais ás que accedían os dous primeiros equipos de cada
tanda eliminatoria, e o mellor tempo dos terceiros.
ELIMINATORIAS DO SÁBADO.
Datos da competición (eliminatorias):
- Regata: Eliminatorias do Campionato de España
- Competición: Campionato de España de Bateis 2024
- Modalidade: bateis
- Categorías: alevín, infantil, cadete, xuvenil e absoluta
- Tipo regata: campo tradicional de 500m e 5 boias
- Lugar: Pobra do Caramiñal
- Data: 27/04/2024
- Hora: 10:00h
O equipo alevín feminino da A.D.
Esteirana Remo competiu na segunda quenda da categoría polo carreiro 1 e finalizou
na terceira posición da súa quenda. Rematou cun tempo de 02:28,74, que melloraba o de Castro Urdiales, equipo que acabou terceiro na primeira quenda, e deste xeito conseguía o pase á final A do domingo.
O equipo xuvenil do C.R. Urme remou na primeira quenda polo carreiro 2. Finalizou na primeira posición cun tempo de 09:15,59 e conseguía tamén a clasificación para a final A do domingo.
Aliñación dos equipos da A.D. Esteirana Remo nesta regata.
Aliñación dos equipos do C.R. Urme nesta regata.
Tempos completos das "Eliminatorias do Campionato de España de Bateis 2024" (fonte @inforemobancofijo).
FINAIS DO DOMINGO.
Datos da competición (finais):
- Regata: Finais do Campionato de España
- Competición: Campionato de España de Bateis 2024
- Modalidade: bateis
- Categorías: alevín, infantil, cadete, xuvenil e absoluta
- Tipo regata: campo tradicional de 500m e 5 boias
- Lugar: Pobra do Caramiñal
- Data: 28/04/2024
- Hora: 10:00h
Nas finais do domingo o equipo alevín feminino da Esteirana Remo competiu na final A polo carreiro 4. Finalizou cun tempo 02:25,83 co que obtivo o cuarto posto no Campionato de España.
O equipo xuvenil masculino do C.R. Urme competía tamén na final A pola boia 1. Marcou un tempo final de 09:10,63 co que tamén se clasificaba na cuarta posición do Campionato de España.
Con esta competición remata a temporada de bateis 2024.
FOTOS DAS ELIMINATORIAS DO SÁBADO
FOTOS DAS FINAIS DO DOMINGO
