Liga Galega de Bateis. "I Bandeira Mecalsa"

Logo das malas condicións meteorolóxicas do día de onte que obrigaron a suspender a regata que se debía ter disputado en A Cabana (Ferrol), hoxe o tempo comportouse relativamente ben e permitiu que se organizara a I Bandeira Mecalsa na Pobra do Caramiñal.

Fonte https://www.facebook.com/moitoremojose

Asistimos a esta competición da Zona Norte da Liga Galega de Bateis coas tripulacións femininas das categorías inferiores (alevín, infantil e cadete) e co equipo xuvenil masculino do C.R. Urme.

O equipo alevín feminino participou na primeira das quendas da categoría pola boia 5. Finalizaron en primeira posición cun tempo de 02:35,29 o que lles permite seguir na primeira posición da liga na súa categoría, ampliando un pouco máis a distancia co segundo clasificado.

Fonte https://www.facebook.com/moitoremojose

As rapazas do equipo infantil participaron na terceira tanda pola rúa 2. Finalizaron na novena posición final cun tempo de 06:38,19.

Fonte https://www.facebook.com/moitoremojose

En canto á categoría cadete feminina, o noso equipo remou polo carreiro 2 na segunda das quendas. Finalizaron cun tempo de 08:12,51 na sexta posición.

Fonte https://www.facebook.com/moitoremojose

No apartado masculino, o equipo xuvenil do C.R. Urme fixo tamén un bo papel, ocupando a terceira praza na categoría cun tempo de 09:05,95. Competiron pola boia 4 na única quenda que houbo.